ORATIO ILLIS, QUI AEGROTIS INSERVIUNT, DICENDA QUAM OLIM IOANNES BAPTISTA MONTINI CONFECIT, ARCHIEPISCOPUS TUNC MEDIOLANENSIS.

Domine Deus, Qui scis munus mihi incumbere ut aegrotis inserviam, praesta ut illis, motus amore, et manibus et praesertim corde ministrem.

Domine, Qui humanum quemcumque es miseratus dolorem, meum conforta spiritum, brachiumque confirma in curandis infirmis, in alligandis vulneribus, in sustinendis dilaceratis et morientibus. Concede pariter ut aliorum doloribus intimo ego animo compatiar, ex ore lene semper proferens verbum meque ipsum suavem omnibus exhibeam: cui vigilante patientiam infundere digneres.

Domine, Qui humanam naturam ex anima et corpore constantem creasti, gac me debitam utrique reverentiam tribuere, ita quidem ut a Te obtineam gratiam qua animas consoler, aegra levem corpora

Domine, Qui dixisti "quicumque potum dederit uni ex minimis istis calicem aqua frigidae tantum ... non perdet mercedem suam", opus meum pie et ex caritate efficere mibi concedas, ut et praemium illud retribuere digneris, quod Ipse Solus sufficis largire.

Tuque, Maria, consolatrix affictorum et infirmorum salus, etiam mihi adsis, sapiens magistra, benignissima Mater.